Una sera, do boti de note,
do gobeti se dava le bote,
do gobeti se dava le bote,
se ste siti vi digo el parchè.

Uno el gera el famoso Matia,
l'altro el Bepi, el fabrica inciostro,
che imbriago de sgnapa, 'sto mostro,
l'insultava l'amigo fedel.

L'un l'a dito:  "Valà te si gobo!"
l'altro, alora, ga dà 'na risposta:
"se son gobo, ti no te si drito,
su la schena te ghè un montesel!"

I s'à dito parole da ciodi,
i s'à dato careghe sul muso,
po i ze andai a finire in chei buso
che se beve un bicer de quel bon!